Nuusargief

Sportnuus

Kundigheidslys

Taalwenke

e-Kampusnuus

Video's

Prof. Amanda Lourens nuwe viserektor: navorsing en beplanning
’n Gesoute navorsingspesialis is pas as die nuwe viserektor van navorsing en beplanning van die Pukkampus van die Noordwes-Universiteit aangestel. Prof. Amanda Lourens sal met ingang 1 Januarie 2010 die pos as die viserektor: navorsing en beplanning beklee. Die vorige viserektor, prof. Daan van Wyk, tree vanjaar af. Lourens is sedert Februarie 2006 verbonde aan die NWU as die institusionele direkteur van navorsingsondersteuning. Sy het haar hoërskoolloopbaan in Tzaneen voltooi en die grade BSc, BSc honneurs en MSc (albei met lof) in wiskundige statistiek aan die Universiteit van Pretoria behaal. Sy het haar doktorsgraad in toegepaste statistiek in 1999 ook aan die UP behaal. Lees meer

Spaanse afvaardiging besoek Potchefstroom
’n Afvaardiging van ’n Spaanse sokkergroep het Potchefstroom vroeër vandeesweek besoek om ondersoek na fasiliteite vir die moontlike huisvesting van die Spaanse Wêreldbeker sokkerspan te doen. Die drie Spanjaarde, Evaristo Cobos, Antonio Limones en Filipe Freese, het onder meer die FNB hoë-prestasie instituut vir sport en die NWU-Puk Sports Village (wat nog in aanbou is) op die NWU-Pukkampus besoek. Lees meer

AngloGold Ashanti ondersteun NWU se fakulteit ingenieurswese

"In ons sektor maak ons staat op werkers met goed ontwikkelde wiskunde- en wetenskapvaardighede; dus ondersteun ons die Noordwes-Universiteit se inisiatief om studente in hierdie opsig te onderrig,” sê mnr. Johan Viljoen, vise-president van AngloGold Ashanti. Die mynreus, AngloGold Ashanti, het 'n toekenning van R1 miljoen aan die fakulteit ingenieurswese van die NWU se Potchefstroomkampus gemaak vir 'n tegnologie navorsingaktiwiteitsentrum (bekend as TRAC). Lees meer

Dekaan woon kernkragwerkswinkel in Suid-Korea by
'n Afvaardiging uit Suid-Afrika het onlangs aan 'n samewerkingswerkswinkel by die kernkrag opleidingsentrum van die Koreaanse Atoomenergie Navorsingsinstituut deelgeneem. Die werkswinkel was die eerste van 'n reeks wat gereël gaan word onder die bilaterale navorsingsooreenkoms wat tussen die Republiek van Suid-Afrika en die Republiek van Suid-Korea bestaan. Lees meer

Skoolhoofde maak geskiedenis by NWU-Puk
Meer as tagtig skoolhoofde van Noordwes en die Noordkaap het geskiedenis gemaak met die ontvangs van ’n unieke skoolleierskap-kwalifikasie wat hulle van die Noordwes-Universiteit se Potchefstroomkampus ontvang het. Die Skool vir Voortgesette Onderwysersopleiding (SVO) aan dié kampus het die gevorderde onderwyssertifikaat aan hoofde toegeken wat dié nasionale loodsprogram vir skoolleiers voltooi het. Die geselekteerde groep, sestig hoofde uit Noordwes en 25 uit die Noordkaap, het hulle sertifikate ná twee jaar se intensiewe studie tydens ’n spesiale gradeplegtigheid op die kampus ontvang. Lees meer

CTexT-bestuurder verkies tot die Afrikaanse Taalkommissie
Een van die bestuurders van die Sentrum vir Tekstegnologie (CTexT™) is onlangs tot die Afrikaanse Taalkommissie verkies. Suléne Pilon is die jongste lid van dié kommissie en sit die tradisie voort dat daar nog altyd ’n personeellid van die NWU-Puk op die kommisie gedien het. Die Taalkommissie van die Suid-Afrikaanse Akademie vir Wetenskap en Kuns is die amptelike liggaam vir die standaardisering van Afrikaans. Die doel word nagestreef deur die bywerking en hersiening van die Afrikaanse Woordelys en Spelreëls (AWS). Lees meer

NWU wen silwer by 2009 Loerie-toekennings
Studente van die Pukkampus van die Noordwes-Universiteit het by vanjaar se Loeries een silwer en drie brons toekennings verower. Marli Heunis het silwer in die ontwerpkategorie van logo’s en identiteitsprogramme, asook 'n brons in die kategorie: tipografievaardigheid gewen. Gert Schoeman het 'n brons voël in die illustrasiekategorie gewen en Emarie Gouws 'n brons vir haar inskrywing in die kategorie: publikasieontwerp. Lees meer

Twee NWU-studente blink uit by internasionale toekennings
Twee derdejaarstudente van Grafiese Ontwerp op die Potchefstroomkampus van die Noordwes-Universiteit, Marina Herbst en Claudette Maskell, het by die 2009 Student World Star Packaging Awards uitgegblink. Marina Herbst was algeheel vierde in die kompetisie geplaas en het 'n eervolle vermelding-sertifikaat ontvang. Maskell is elfde op die ranglys geplaas en het 'n erkenningsertifikaat ontvang. Lees meer

Kreatiwiteitsentrum deel hul kreatiwiteit
Kunsvlyters van die Noordwes Provinsie het onlangs ’n goeie dosis ekstra kreatiwiteit bygekry ná hulle deur ’n bekende Suid-Afrikaanse kunstenaar onder hande geneem is. Die Kreatiwiteitsentrum op die Potchefstroomkampus van die Noordwes-Universiteit het ’n Kreatiewe Intelligensie-werkswinkel aangebied, onder leiding van mnr. Ian Marley, by die Noordwes Instituut vir Kunsvlyt en Ontwerp se (NWCDI) kantore in die Klein Marico Poort-natuurreservaat. Marley is ’n grafiese ontwerpdosent by die Pukkampus en ’n bekende Suid-Afrikaanse kunstenaar. Lees meer 

Absa verbind hom tot nóg vyf jaar se steun, Sentrum vir BWI verwelkom ooreenkoms
Absa en die Sentrum vir Bedryfswiskunde en Informatika (BWI) op die Potchefstroomkampus van die Noordwes-Universiteit het onlangs ’n ooreenkoms onderteken waarvolgens Absa hom daartoe verbind om verhoudings met die sentrum se programme te verstewig en verder uit te bou. Absa sal vir ’n verdere vyf jaar die bestaande BWI-beursooreenkoms ondersteun, asook om die BWI se risiko-opleidings- en navorsingsprogramme te ondersteun. Lees meer

NWU-Puk neem amptelik afskeid van proff. Annette Combrink en Daan van Wyk
Die Potchefstroomkampus van die Noordwes-Universiteit het vandeesweek (Dinsdag 10 November) amptelik afskeid geneem van die rektor en viserektor: kwaliteit en beplanning. Proff. Annette Combrink en Daan van Wyk het albei aftree-ouderdom bereik en lê nou die tuig as bestuurslede van die NWU-Puk neer. Combrink het 37 jaar diens by die universiteit en Van Wyk 42 jaar diens. Verskeie groeteboodskappe vanuit verskillende geledere van die universiteit is tydens die geleentheid aan hulle gebring. Luister en lees meer

Absa erken uitnemendheid van BWI se programme
Absa het tydens ’n prestige toekenningseremonie erkenning gegee aan die waarde wat die risiko-opleidings- en navorsingsprogramme van die Sentrum vir Bedryfswiskunde en Informatika (Sentrum vir BWI) van die Noordwes-Universiteit tot die bank toevoeg, asook die uitnemendheid van dié programme. Die vorige direkteur van die Sentrum en tans hoof van groeprisiko-ondersteuning by Absa, dr. Neels Erasmus, het die toptoekenning in die werknemerskategorie van die bank ontvang. Hy was een van ses kategorie-wenners uit bykans 8 500 genomineerdes vir Absa se prestige toekennings. Lees meer 

Autshumato: transformasie in vertaling
Die Sentrum vir Tekstegnologie (CTexT™) op die Potchefstroomkampus van die Noordwes-Universiteit, in samewerking met die Universiteit van Pretoria, is ná twee jaar van ontwikkelingswerk gereed om 'n eerste weergawe van 'n innoverende, staatsbefondsde toepassing bekend te stel wat meertaligheid in Suid-Afrika sal bevorder. Hierdie toepassing, genaamd Autshumato Integrated Translation Environment (ITE), kombineer verskeie vertaalhulpmiddels, insluitende masjienvertaling (vir drie taalpare), vertaalgeheue en 'n glossarium in 'n enkele omgewing. Lees meer

Internasionale sukses vir NWU grafiese ontwerp-studente
Finalejaarstudente in grafiese ontwerp aan die NWU het die afgelope drie jaar se sukses herhaal met ses studente wat lidmaatskap van die International Society of Typographic Designers (ISTD) ontvang het. Die NWU was ook die enigste inrigting in Suid-Afrika om eervolle vermelding (80% en hoër) en onderskeidings ('n punt bo 70%) te behaal. Liani Herbst, Tilana Hoffman en Ilze Vermaak het geslaag, terwyl Sophia Strydom en Jaco Burger beide onderskeiding behaal het. Emarie Gouws het eervolle vermelding ontvang. Lees meer

Nagraadse studente en personeel blink uit by internasionale kongres
Verskeie personeel en nagraadse studente van die Noordwes-Universiteit se Potchefstroomkampus het uitstekend gevaar tydens die onlangse internasionale kongres oor farmaseutiese- en farmakologiese wetenskappe wat die Skool vir Farmasie op die kampus aangebied het.  Die sameroepers van die kongres was proff. Sandra van Dyk en Brian Harvey. Vier publikasies wat in 2008 deur NWU-navorsers gepubliseer is, het toekennings ontvang en verskeie nagraadse NWU-Pukstudente het toekennings as jong wetenskaplikes ingepalm. Lees meer

Mikrobiologie wen by bierkompetisie se "intervarsity"
’n Span van die vakgroep mikrobiologie op die Potchefstroomkampus van die Noordwes-Universiteit het vanjaar weer met ’n paar duisend rand in die sak teruggekeer van die "intervarsity” van ’n bierkompetisie. Die NWU-Pukspan het saam met vyf ander universiteite aan dié kompetisie by die Universiteit van Pretoria deelgeneem. Hulle kreatiwiteit het hulle die prys vir die beste bier-etiket besorg en elke student het R1 000 gewen. Die vakgroep het ook ’n prysgeld van R1 000 ontvang. Twee biere is vanjaar ingeskryf, ’n Porter- bier met die naam Beer(t)er en 'n Brock-bier met die naam Jum(p)Bock. Lees meer

MBA-studente van Besigheidskool wen bemarkingspel
Die wenners van die Potchefstroom Besigheidskool se besigheid-simulasiespeletjie, The Marketing Game, is pas gekroon. Die Sparta-span van die Vaaldriehoekkampus met Johann Haasbroek as leier, het met die prysgeld weggestap en in die proses sommer bonuspunte ook verdien. Sy ander spanlede is Juan Claase, André van Wyk, Johann Koekemoer en Pieter Conradie. Dié speletjie word jaarliks gespeel deur die tweede-jaar MBA-studente in die module bemarkingsbestuur. Die studente moet in hul MBA-studiegroepe oor ’n termyn van ses maande ’n totaal van sewe rondtes teen mekaar speel. Die groep met die grootste kumulatiewe wins vir die periode tree as wenner uit die stryd. Lees meer

Skool vir Verpleegkunde ontvang skenkings
Die Skool vir Verpleegkunde aan die Potchefstroomkampus van die Noordwes-Universiteit het onlangs verskeie skenkings van maatskappye in die bedryf ontvang. ARJO Huntleigh Suid-Afrika het ’n Contura 390 elektriese bed wat in ’n intensiewe sorgeenheid gebruik word, aan dié skool geskenk. Die bed is onlangs deur mnr. Mark Bates, nasionale opleidingsbeampte van ARJO Huntleigh Suid Afrika, oorhandig. Lees meer

Du Pisani oorhandig boek aan Braklaagte-gemeenskap
Prof. Kobus du Pisani van die vakgroep geskiedenis in die Skool vir Sosiale en Owerheidstudie aan die Noordwes-Universiteit se Pukkampus het onlangs sy nuwe boek aan die mense van die Bafurutsi-gemeenskap op Braklaagte oorhandig. Die boek, The last frontier war: Braklaagte and the struggle for land before, during and after apartheid, handel oor hulle verset teen die apartheidsregering se grondbeleid en ook oor hoe hulle ondanks verbete pogings deur die regering om hulle te verskuif, besit oor hul grond behou het. Lees meer

Skool vir Verpleegkunde ontvang skenking
Die Skool vir Verpleegkunde aan die Noordwes-Universiteit se Potchefstroomkampus het onlangs ’n spesiale termometer van Covidien ontvang. Dié maatskappy spesialiseer in die vervaardiging van spesialis mediese produkte soos enterale voedingtoedieningsisteme. Me. Erica Debil het dié skenking van ’n Genius 2 Timpaniese elektroniese termometer aan dié Skool gereël.  Debil het ’n opleidingsessie aan studente gegee oor die korrekte gebruik van die apparaat, wat van die jongste tegnologie is en meer akkuraat is as ’n gewone termometer in dié opsig dat dit die kerntemperatuur van die liggaam meet. Lees meer 

NWU-Puksport 2009 - só lyk kampioene!
NWU-Puksport het weer ’n goeie jaar op die sportvelde van die land gehad. Dit was veral vanjaar op Inter-universitêre vlak waar die NWU-Pukke uitgeblink het en titels in die Universiteitsport Suid-Afrika (USSA) se toernooie verower het. Die heel grootste prestasie op dié vlak was beslis Johan van Tonder se karate-span wat vir ’n ongeëwenaarde tiende agtereenvolgende keer die USSA-toernooi gewen het. Twee NWU-Pukke is in die USSA-span ingesluit: Kobie Ross en Zilla Bruwer. Die NWU-Puk Rugbyinstituut het die USSA-titel verower en netbal het ook so gemaak. Atletiek het die titel met enkele punte misgeloop, maar die finale uitslag van die byeenkoms in Stellenbosch het erg verdag voorgekom. Die Pukke se mans het wel gewen. Ander tweede plekke is behaal deur muurbal, judo en rotsklim. Lees meer

Grafiese student wen banknoot-kompetisie
’n Grafiese ontwerpstudent van die NWU-Puk is die algehele wenner van die Suid-Afrikaanse banknoot vereniging se jaarlikse kompetisie om ’n geldnoot te ontwerp. Helene Botha is deur ’n paneel spesialis beoordelaars as die wenner van die kompetisie aangewys. Lees meer

Selfs kinders sal dit verstaan
Die storie van die Vredefort Koepel... so eenvoudig dat selfs kinders dit sal verstaan. Dit is ’n nuwe boek van prof. Attie Gerber oor dié wêrelderfenisgebied nie ver van Potchefstroom, Parys en Vredefort nie. Vredefort Dome – A Stone from Heaven verbeeld die impak van ;n meteoriet 2 000 miljoen jaar gelede met bykans 200 volkleurfoto’s. Die foto’s is sorgvuldig gekies om die nalatenskap van die impak te illustreer. Dit sluit die geologie, flora, fauna, kultuur en toerisme in. Lees meer

NWU-Puksport vereer beste sportmanne- en vroue
Atletiek het weer koning gekraai in die aanwys van die sportmanne en –vroue van die NWU-Puk. Die jaarlikse sportdinee het verlede Woensdagaand (21 Oktober) op luisterryke wyse in Potchefstroom se Madiba Banketsale plaasgevind. Die gasspreker was die rektor van die Potchefstroomkampus, prof. Annette Combrink, wat vanjaar die tuig neerlê. Atletiek het drie uit die vier toekennings ingepalm. Lees meer 

NWU-Puk blaas kersies dood op 140-jaar koek
Die kersies op die koek is Vrydag (16 Oktober) figuurlik doodgeblaas met die amptelike vieringe van die NWU-Puk se 140-jaar feesvieringe. Verskeie gaste, waaronder die eerstejaars van vyftig jaar gelede, die studenteraad van 1969 (tydens die honderdjarige bestaan van die Puk), die beeldhouer, Jo Roos, en nasate van Totius, het die geleentheid bygewoon. Die hoogtepunt van die middag was die onthulling van die beeld van Totius, wat onlangs na die kampus verskuif is, asook die onthulling van die gedenksuile met die name van meer as 1 200 studenteleiers sedert 1894. Tydens ’n skemerkelkie-geleentheid het die verteenwoordiger van die Tlokwe Stadsraad, me. Ina Stoltz, ’n oorkonde namens die stadsraad aan die rektor, prof. Annette Combrink, oorhandig om die NWU-Pukkampus geluk te wens met sy 140-jarige bestaan. Lees meer

Vol program vir Puk se 140-jaar feesvieringe
Die Potchefstroomkampus van die Noordwes-Universiteit se vere is reg geskud om sy 140-jarige bestaan vandeesweek te vier. Dié feesvieringe bereik Vrydag (16 Oktober) ’n hoogtepunt met verskeie gebeure, uitstallings, oudstudente en gaste wat die kampus besoek. ’n Spesiale konsert word Vrydagaand in die Sanlam-Ouditorium opgevoer met ’n stemmingsprogram met die tema, In U Lig. Die skrywer, Leo van Schaik, sê dit word uit ’n Bybelse oogpunt beskou met klassieke musiek, Psalms en ander gewyde liedere. Gedigte van die oud-Puk-dosente, Totius en TT Cloete, word ook voorgedra en gesing. Fanie Jooste is die dirigent, terwyl die Puk-koor die gehoor sal bekoor. Die konsert eindig met ’n blik op die Hiernamaals. Die konsert begin om 19:00 en toegang is gratis. Lees meer

NWU-Pukrektor is beskermheer van SJGD
Die rektor van die Noordwes-Universiteit se Potchefstroomkampus, prof. Annette Combrink, is as die beskermheer van die Studente Jool-gemeenskapsdiens (SJGD) aangewys. Dié posisie beteken nou dat sy die “gesig” van SJGD is. Die voorsitter van SJGD, Jean-Marc Stidworthy, sê prof. Annette het SJGD die afgelope dertig jaar gehelp om beter te funksioneer en uit te bou. SJGD is nie net die grootste en beste studente gedrewe welsynorganisasie in die land nie, maar hulle poog steeds om nog meer organisasies en individue te kan bereik. Stidworthy sê prof. Annette was al vir ’n paar jaar indirek SJGD se beskermheer en dat hulle dit vanjaar met haar aftrede goed gedink het om dit amptelik te maak. Lees meer

NWU-Pukke is kaalvoet vir goeie doel
Die Studente Joolgemeenskapdiens (SJGD) het onlangs hulle jaarlikse Kaalvoetdag gevier. Die studenteraadslid van SJGD, Jean Stidworthy, sê koshuise op kampus samel almal klere vir hulle onderskeie SJGD-projekte in. Dié klere word vir elke koshuis se eie projek aangewend en die klere wat oorbly sal deur die SJGD-komitee versprei word. Koshuise het dié klere op kreatiewe maniere in Loverslane op die kampus uitgestal en verskeie onderlinge kompetisies is gehou om gees te skep. Die beste uitstalling het aan die sleep, Wilde Trix (Bellatrix en De Wilgers), behoort. Lees meer

Grobler wen groot met sakeplan van navorsingstegnologie
Haar liefde vir navorsing en die natuur het vir ’n navorser van die Potchefstroomkampus van die Noordwes-Universiteit ’n stewige prysgeld in die sak besorg tydens ’n kompetisie van die Innovasiefonds en die Emory Universiteit van Atlanta in die VSA. Me. Anne Grobler van die eenheid vir geneesmiddelnavorsing en –ontwikkeling is as die naaswenner aangewys vir haar sakeplan oor die kommersialisering van Pheroid™   vir die gebruik in plante. Lees meer 

Kellner neem leiding in internasionale komitee
’n Kenner van landdegradasie en verwoestyning van die Noordwes-Universiteit se Potchefstroomkampus is pas tot die voorsitter van ’n internasionale komitee vir wetenskap en tegnologie van die Verenigde Nasies se Konvensie vir die bekamping van verwoestyning (UNCCD - United Nations Convention to Combat Desertification) verkies. Lees meer

Argief en museum skud sy vere reg vir feesvieringe
Die argief en musuem op die Potchefstroomkampus van die Noordwes-Universiteit het sy vere reg geskud vir die 140-jaar vieringe wat vandeesweek op die kampus plaasvind. In die uitstalling word die geskiedenis kronologies van die stigting van die Teologiese Skool in 1869 in Burgersdorp tot voor die samesmelting met die Universiteit van Noordwes (Mafikeng) in 2003 met behulp van teks, foto’s en museumitems uitgebeeld. Lees meer

Aldred Genade nou nadoktorale genoot by fakulteit teologie
Dr. Aldred Genade is onlangs as nadoktorale navorsingsgenoot in die skool vir bybelwetenskappe en antieke tale in die fakulteit teologie van die Potchefstroomkampus van die Noordwes-Universiteit benoem. Hy werk op die oorvleuelingsgebied tussen die Nuwe Testament en die klassieke tale, Grieks en Latyn. Sy navorsing fokus op die retoriese analise van antieke tekste en die belang daarvan vir die verstaan van die Nuwe Testament. Lees meer

Serenaders na nasionale kompetisie
Die Serenaders-koor van die Potchefstroomkampus van die Noordwes-Universiteit gaan in Desember aan die Old Mutual nasionale koorfees in Pretoria deelneem. Dié koor het pas stof geskop in ander deelnemers se oë tydens die provinsiale kompetisie. Agt kore het op provinsiale vlak in Noordwes meegeding. Lees meer

NWU-Pukke is algehele Pendoringwenners
Die grafiese ontwerpstudente van die Pukkampus van die Noordwes-Universiteit het weer eens gewys wat in hulle steek met hulle prestasies tydens vanjaar se Pendoringtoekennings.  Dié studente spog vanjaar met ’n goue en twee silwer Pendoringtrofeë, asook ’n spesiale toekenning as algehele studentewenner. Lees meer

NWU-Puk en Aardklop soos boude
Die Noordwes-Universiteit se Pukkampus was vanjaar weer een van die senior borge van Aardklop en die Pukkampus het weer eens as gasheerborg opgetree. Sewe lokale op die kampus is as venues gebruik wat meer as 13 000 sitplekke vir produksies gebied het. Die Sanlam-ouditorium bied 1 050 sitplekke, die Fanie Du Toit-sportterrein (5 000), Joolplaas (3 000), amfiteater (2 000), Weet-en-sweet-saal (1 000), Totius-saal (600) en die Groot-oor (400). Die Heimat-saal is vir repetisies ingespan. Lees meer

FW de Klerk praat op Puk oor toekomsperspektief
Die voormalige staatspresident en kanselier van die Puk, mnr. FW de Klerk, sal eersdaags in die agtste van die FW de Klerk-lesingreeks ’n voordrag op die Pukkampus van die Noordwes-Universiteit lewer. De Klerk se titel van die voordrag op 12 Oktober is "'n Toekomsperspektief op grondwetlike stabiliteit geprojekteer vanuit my vertolking van die relevante gebeure van die afgelope twintig jaar”. Lees meer

NWU eerste met mobi-site
Die Noordwes-Universiteit het in September vanjaar die eerste universiteit in die land geword om 'n mobi-site op die been te bring. Die hoofdoel van dié mobi-site is om die universiteit onder voornemende studente te bemark en hul sodoende te werf. Die mobi-site is 'n webtuiste wat vir 'n selfoon ontwerp is sodat die inhoud op die skerm inpas. Lees meer

NWU-Puk kom nie mas op in eindstryd
Die NWU-Puk het Saterdag (26 September) met twee punte teen Hamiltons, die WP-kampioen, in die eindstryd van die nasionale klubkampioenskap verloor. Net soos in 2005 en 2007 kon die NWU-Pukke nie die mas opkom nie. Lees meer

Bafokeng-koning as nuwe kanselier ingehuldig
Kgosi Leruo Tshekedi Molotlegi, Koning van die Bafokeng-stam, is op 17 September 2009 in Potchefstroom ingehuldig as die tweede Kanselier van die Noordwes-Universiteit (NWU). Tydens dieselfde byeenkoms is dr Theuns Eloff ook amptelik vir ʼn tweede termyn as Visekanselier van die NWU aangestel. Lees meer

Vertaaldag-viering bou nuwe brûe
Die Noordwes-Universiteit se taaldirektoraat het vandeesweek Internasionale Vertaaldag uiters suksesvol op die Potchefstroomkampus gevier en opnuut nuwe brûe gebou tussen mense wat verskillende tale praat. Lees meer

Klubhuis opgedra aan rektor
Die personeelklubhuis is een van die plekke wat die kampusrektor na aan die hart lê en inpas by haar wens dat mense ’n vervullende werksomgewing op die Pukkampus moet ervaar. Prof. Annette Combrink was oorbluf toe sy die naamplaatjie voor die personeelklubhuis onthul het. Lees meer

PUKfm-omroeper eersdaags op OFM
Een van die omroepers van die studenteradiostasie, PUKfm, het onlangs OFM se On-air 2009-kompetisie gewen. Yolanda Maartens, ’n groot gunsteling DJ van PUKfm, het vandeesweek haar laaste oggendprogram aangebied. Lees meer

Aptekerstudente van 50 jaar gelede kuier saam
Aptekerstudente van vyftig jaar gelede is onlangs op die Potchefstroomkampus van die Noordwes-Universiteit onthaal. Dié groep van 1959 het bestaan uit sewentien studente. Vier van hulle is reeds oorlede, maar elf van die oorblywende dertien het die kuiertjie aan hulle alma mater meegemaak. Lees meer

Twee Puk-wetenskaplikes ontvang erkenning van NASA
Twee dosente van die Pukkampus van die Noordwes-Universiteit het erkenning vir hulle bydraes tot die sukses van die Ulysses-ruimtetuigsending van NASA ontvang. Proff. Marius Potgieter en Stefan Ferreira het saam ’n Duitse span wetenskaplikes van die Europese Ruintevereniging (ESA) gewerk en NASA het ’n Group Achievement Award aan die hele span van Amerika en Europa gemaak. Lees meer

Unieke laboratorium vir navorsing op paddas geopen
’n Spesiale laboratorium om navorsing op bedreigde paddaspesies van onder meer Madagaskar te doen, is pas op die Noordwes-Universiteit se Potchefstroomkampus geopen. Dr. Ché Weldon, senior lektor by die NWU-Puk en lid van die Afrika Amfibieër Bewaringsnavorsingsgroep (AACRG), sê die biosekure nat-laboratorium is gebou om te fokus op verskeie bedreigde spesies wat in Mei verlede jaar tydens ’n spesie-prioriteitswerkswinkel geïdentifiseer is. Lees meer

Studente en personeel pak mekaar op gholfbaan
Dié naweek gaan ’n eerste vir NWU-Puk-gholf wees wanneer die NWU-Pukkampus se studentegholfspan ’n personeelspan pak. Die toernooi word by die Potchefstroomse Buiteklub aangebied. Die toernooi, wat bekend staan as die NWU Cup, word op ’n soortgelyke formaat as die beroemde Ryder Cup-gholftoernooi aangebied, maar sal net oor twee rondtes gespeel word. Lees meer

Prof lei 80 M- en D-studente binne 12 jaar
Tagtig meesters- en doktorsgrade binne twaalf jaar is die prestasie van prof. George Lotter van die fakulteit teologie onder wie se leiding dié studente studeer het. Die laaste vier doktorale grade, om dit op die ronde getal van tagtig te staan te bring, is tydens die pas afgelope plegtigheid toegeken. Lotter, voorsitter van die vakgroep praktiese teologie, se eerste M- en D-studente het in 1997 onder hom begin studeer. Hy sê die getal verteenwoordig 43 M- en 37 D-studente. Van die studente woon in tien verskillende lande in die wêreld en verteenwoordig ten minste sewe verskillende kerke. Lees meer

NWU wen toekenning by internasionale konferensie
Die 2009 Golden Key internasionale konferensie het gedurende Augustus in Orlando, Florida, VSA plaasgevind. Meer as 500 Golden Key-lede van regoor die wêreld het dié konferensie bygewoon. Lees meer

Top universiteitskore sing in Potchefstroom
Die openbare Gala-konsert van die Kuesta Universiteite Koorfees vind op Saterdag 26 September 2009, om 19:00 in die Sanlam-Ouditorium van die NWU-Pukkampus plaas. Kenners reken dat universiteitskore van die uitnemendste kore in Suid-Afrika is. Die Kuesta Universiteite Koorfees trek tweejaarliks ’n paar van die top universiteitskore bymekaar om vir mekaar te sing en ook ’n openbare uitvoering vir die publiek te lewer. Die NWU-Puk is vanjaar die gasheer van die fees en Potchefstromers het die voorreg om dié besonderse koorsang te kan geniet. Lees meer

Studenteleiers op suile verewig
Gedenksuile met die name van studenteleiers sedert die ontstaan van die Puk sal tydens dié universiteit se feesvieringe in Oktober onthul word. Die Pukkampus van die Noordwes-Universiteit se 140 jaar vieringe bereik ’n hoogtepunt op 16 Oktober wanneer onder meer die Totius-standbeeld op die kampus onthul word. Die gedenksuile met die leiers se name sal rondom die oudstudente-monument, beter bekend as die wasgoedpennetjie, opgerig word. Studenteleiers sedert 1894 se name sal op dié suile verewig word. Oud-SR-lede wat graag die geleentheid wil bywoon word versoek om so gou as moontlik met Vincent Eastes in verbinding te tree. Tel: (018) 299-2562 of stuur 'n e-pos aan vincent.eastes@nwu.ac.za Lees meer

Koning besoek NWU
Sy Majesteit, kgosi Leruo Tshekedi Molotlegi, koning van die Koninklike Bafokeng-nasie, het vandeesweek ’n eerste besoek as nuwe kanselier van die Noordwes-Universiteit (NWU) afgelê. Kgosi Molotlegi het saam met dr. Theuns Eloff, visekanselier, proff. Themba Mosia, institusionele registrateur, en Annette Combrink, rektor van die Potchefstroomkampus, vergader. Die kgosi het die institusionele kantoor en die Potchefstroomkampus besoek. Lees meer

PUKfm – "meer as net radio"
PUKfm het pas weer bewys dat hulle nes hulle leuse, "meer as net radio" is. Dié studente-radiostasie het twee reuse fondsinsamelingsgeleenthede gereël om geld vir hulle gemeenskapsprojek, Katlego Early Learning Centre, in Ikageng in te samel. Lees meer

Hoë rugbypos vir Taylor
Die bestuurder van die NWU-Puk Rugbyinstituut is pas tot die uitvoerende bestuur van die Varsity Cup verkies. Mervyn Taylor dien tans ook op die rugbybestuur van Universiteitsport Suid-Afrika (USSA) en is visepresident van Luiperdrugby. Lees meer

Ingenieurstudente plant boom tydens nasionale boomplantweek
Die perfekte lentedag het bygedra tot sonnige atmosfeer toe ’n groep ingenieurstudente op die Potchefstroomkampus van die Noordwes-Universiteit hul stempel op kampus afgedruk het deur ’n boom te plant op 1 September, lentedag en tydens nasionale boomplantweek. Hulle het die inheemse Mundulea Sericea, oftewel die kurkbos of silver-bush gekies vanweë sy taaiheid en pragtige pers blomme wat vanaf Oktober tot Januarie bot. Lees meer

NWU-Pukke blink wéér by nasionale sêr
Veritas manskoshuis van die NW-Puk het vir die vierde agtereenvolgende jaar stof in die oë van ander universiteite geskop ná hulle die nasionale serenade kompetisie gewen het. Vergeet-My-Nie dameskoshuis het die algehele derde plek in die damesafdeling verdien. Hulle het ook die pryse vir die beste eie komposisie en die beste verwerking van ’n voorgeskrewe komposisie gewen. Lees meer

Draak onder vyf bestes
Die Drakenstein-restaurant op die Pukkampus van die Noordwes-Universiteit is pas deur SA Brouerye as een van die vyf beste eetplekke in sentraal Suid-Afrika aangewys. Die gewilde studente kuierplek op die kampus het met sowat een duisend ander eetplekke meegeding in die SAB Outlet of the Year-kompetisie. Lees meer

Vier Pukke in nasionale opkomende hokkiegroep
Vier NWU-Pukke is pas in die nasionale opkomende hokkiegroep (emerging squad) ingesluit. Die NWU-Pukke is Fay Irvine, Chantelle Bekker, Sulette Damons en Celia Evans. Daar is onlangs berig dat Loreen Irvine, Fay se suster, in SA hokkie se  nasionale oefengroep ingesluit is. Lees meer

De Ridder genooi na internasionale kongres
Die direkteur van die skool vir biokinetika, rekreasie en sportwetenskap op die Potchefstroomkampus van die Noordwes-Universiteit, prof. Hans de Ridder, is een van slegs twee sportwetenskaplikes in die land wat genooi is om ’n internasionale kongres in die VSA by te woon. Die eer het De Ridder te beurt geval ná sy voordrag tydens die tweejaarlikse Asiatiese Sportmedisyne en Sportwetenskapkongres wat in Khota Bharu, Maleisië, aangebied is. Lees meer

Bekende skrywer besoek NWU-Puk
Die bekende skrywer, Fanie Viljoen, van ondermeer treffers soos Breinbliksem en Onderwêreld, het die Potchefstroomkampus van die Noordwes-Universiteit onlangs besoek. Viljoen was ’n gasdosent vir studente in skryfkuns en het ook ’n lesing vir studente in vertaal- en tolkstudies gegee. Lees meer

Pianis besoek kindertyd-tuiste ná 25 jaar
Die Koreaanse pianis, Grace Eun Hae Kim, het die eerste paar jaar van haar lewe (1981-1984) in Potchefstroom deurgebring terwyl haar vader besig was met sy doktorale studie in teologie aan die destydse PU vir CHO. Hoewel sy eers met klavieronderrig begin het nadat hulle gesin teruggekeer het na Korea, was sy in Potchefstroom heeltyd omring met musiek. Haar moeder was 'n klavierleerling van prof. Pieter de Villiers by die Konservatorium en haar ouer broer het ook klawerbordlesse ontvang. Lees meer

NWU-Puk het talle verrassings om 140 kersies dood te blaas
Die Potchefstroomkampus van die Noordwes-Universiteit is in die pylvak om sy 140-jarige bestaan binnekort behoorlik te vier met 'n verskeidenheid unieke verwikkelings en nuwighede op die kampus. Die feit dat die Totius-beeld nou amptelik sy nuwe adres gekry het, is waarskynlik die opwindendste. Die standbeeld word binnekort verskuif en Totius sal sy plek inneem skuins voor die ou Hoofgebou en 'n hanetree vanaf die Totius-gedenksaal. Lees meer

Potch-onderwysstudente beplan groot reünie
Die fakulteit opvoedingswetenskappe van die Potchefstroomkampus van die Noordwes-Universiteit is vanjaar 90 jaar oud en hou 'n reünie vir oudstudente om die geleentheid te vier. Dit sluit alle voormalige studente van die destydse Potchefstroom Onderwyskollege (POK) in. Die reünie word vir 17 Oktober beplan. Alle oudstudente wat sedert 1919 aan die kollege sowel as die fakulteit in Potchefstroom gestudeer het, moet asseblief van hulle laat hoor. Voltooi asb. so gou as moontlik die vorm (vir adresveranderings) op die web by www.puk.ac.za/oud_pukke/verander_pok.html.

NWU-Puk se rugbymanne verseker eerste plek
Die eerstespan van die NWU-Puk Rugbyinstituut het Woensdagaand (26 Augustus) seker gemaak dat hy die ligafase van die Goue Leeus se Pirates Groot Uitdaagliga in die eerste posisie sal afsluit. Die wedstryd wat Vrydagaand (28 Augustus) teen Union gespeel word, sal geen invloed op die punteleer hê nie. Dit wil voorkom asof die NWU-Puk Saterdag (5 September) teen Impala sal speel in die een halfeind terwyl UJ en Pirates mekaar in die ander halfeind sal pak.  Die bepalings kan eers finaal bevestig word na die wedstryde tussen UJ en Impala en Pirates en Randfontein wat Saterdag plaasvind. Lees meer

NWU Puk kry sy eie sport village
Die Fanie du Toit-sportterrein op die Potchefstroomkampus van die Noordwes-Universiteit sal vroeg aanstaande jaar met nog 'n eiesoortige nuwe ontwikkeling kan spog wanneer die bouwerk aan die behuising vir veral buitelandse atlete (sport village) voltooi word. Die opwindende nuwe projek het verlede week afgeskop toe grondverskuiwingstoerusting gebring is om die voorbereiding vir die bouwerk te doen. Lees meer

Noordwes-hokkiespanlede almal NWU-Pukke
Die Noordwes vroue-hokkiespan wat tans aan die interprovinsiale toernooi in Pretoria deelneem, word oorheers deur die verteenwoordiging van NWU-Puk-hokkiespelers. Al die spelers in die provinsiale span is NWU-Pukke. Die span het die interprovinsiale toernooi wat tans in Pretoria plaasvind uitstekend afgeskop met 'n 6-0 oorwinning oor Skiereiland. Lees meer

Ingenieurstudentevereniging weer tops
Die Ingenieurstudentevereniging (ISV) op die Potchefstroomkampus van die Noordwes-Universiteit het vir die tweede agtereenvolgende jaar geskitter toe hulle as die beste fakulteit akademiese studentevereniging aangewys is. Die ISV is by die akademiese raad van die studenteraaad se prestige geleentheid in die Madiba Banketsale bekroon en het ook die algehele derde plek verower tesame met die toekenning vir die beste webblad. Lees meer 

Gebaretaaltolkkursus nog 'n eerste vir NWU
In 'n wedersyds voordelige vennootskap het die Noordwes-Universiteit (NWU) se Taaldirektoraat en die Dowe Federasie van Suid-Afrika ("DeafSA") onlangs saamgewerk om twee kursusse vir Gebaretaaltolke aan te bied. Dit was 'n eerste vir die NWU. Lees meer

Curriebekerspanne wemel van oud-Pukke
Die land se Curriebekerspanne wemel weer van oud-Pukke. In onlangse wedstryde was daar 27 oud-Pukke in aksie in die Curriebeker. Net die Sharks het nie tans 'n oud-Puk in hulle geledere nie. Die huidige ligavoorlopers, Griekwas, spog met Naas Olivier, Barry Geel, Jaco Bekker en Bees Roux. Die hele WP-voorry kom van die NWU-Puk af, hulle is Baba Blaauw, Tiaan Liebenberg en Broc Harris. WP se losskakel Willem de Waal het ook vir die NWU-Puk gespeel. Lees meer

PUKfm was Oppikoppi
PUKfm, die Potchefstroomkampus se eie radiostasie, is vanjaar die groot voorreg gegun om vir die eerste keer as mediavennoot by Oppikoppi op te tree. Tydens hierdie musiekfees wat verlede naweek buite Northam gehou is, was twee van PUKfm se DJ’s, Tertius Coetzer en Kimmee Lategan, seremoniemeesters by die Most Amazing Myn-verhoog asook die Levi’s Bushveld Original-verhoog. Lees meer

NWU se Visekanselier neem plaaslik en internasionaal leiding
Dr. Theuns Eloff, Visekanselier van die Noordwes-Universiteit (NWU), is in Julie 2009 onbestrede tot Voorsitter van die Vereniging vir Statebondsuniversiteite (Association of Common Wealth Universities - ACU) verkies, nadat hy die afgelope twee jaar as ondervoorsitter van daardie liggaam gedien het. Lees meer

Kommunikasiestudies vier 50 bestaansjare
Die skool vir kommunikasiestudies op die Potchefstroomkampus van die Noordwes-Universiteit vier vanjaar sy vyftigste bestaansjaar. Verskeie aktiwiteite word later vandeesmaand aangebied om hierdie mylpaal te herdenk. Die Puk word beskou as die geboorteplek van universitêre onderrig in kommunikasie in Suid-Afrika en het in 1959 met perswetenskap binne die vak geskiedenis begin. Lees meer

Kernkrag dalk die nuwe "olie”
Die onvermoë om aan die groeiende behoefte na olie te voorsien is die vernaamste rede waarom Suid-Afrika 'n oliekrisis ondervind. Só het dr. Russel Huddleston, hoofprojekingenieur by Sasol Petroleum Internasionaal. Lees meer

Nuwe wêreld ontvou vir ingenieurstudente
Ingenieurstudente het einde Julie weer eerstehands met verskeie fasette van hul toekomstige beroepe te doen gekry tydens die fakulteit se jaarlikse fakulteitsdag. Groot maatskappye was onder die 21 uitstallers op die joolplaas waaronder Sasol, Hatch, PPS, Xtrata, M-Tech Industrial en Siemens en die voornemende ingenieurs van elke skool kon meer verken oor die toepassing van ingenieurswese in die bedryf. Lees meer

Die rekenaarmynveld is student se kos
Het jy dalk gedink dat verspoeg of slakkeresies vreemde sportsoorte is wat net op Rippley’s believe it or not hoort? Dink gerus weer want die NWU-Puk het sy eie kandidaat as dit kom by vreemde sportsoorte. Albertus Seyffert, 'n honneursstudent in fisika, is 'n Minesweeper-fundi wat reeds twee keer aan die Wêreldkampioenskap in hierdie uitsonderlike sport deelgeneem het. Lees meer

Loopbaansentrum besoek Gautrein-projek
Die loopbaansentrum van die NWU se Potchefstroomkampus het ’n inligtingstoer na die Gautrein-projek vir beursstudente van Murray en Roberts gereël. Me. Anell van Pletzen (skakelbeampte) en Bernice Smit (bestuurder) van die loopbaansentrum is saam met twee meganiese ingenieurstudente, Louis van der Walt en Alden van Wyk, en hulle dosent, mnr. Pietman Jordaan, op die toer na die verskeie ontwikkelings op die Gautrein-roete geneem. Lees meer

Varkgriep nie krisis op NWU-Pukkampus
Verskeie gerugte van NWU-Pukstudente wat varkgriep het doen tans die rondte op die kampus. Die rektor, prof. Annette Combrink, personeel van die gesondheidsorgsentrum en ’n mediese dokter, dr. Emile Kotzé, het Dinsdagmiddag ’n spesiale vergadering gehad om studente tot rustigheid te maan. Lees meer 

• Varkgriep: Moets en Moenies

NWU-Puk tref voorsorg vir varkgriepvirus
Studente moet nie oorreageer of paniekerig raak oor die H1N1-virus (varkgriep) wat tans in die land voorkom nie. Volgens sr. Adele Burger, beroepsverpleegkundige by die gesondheidsorgsentrum op die kampus, is alle voorkomingsmaatreëls in plek indien studente met griepsimptome by die sentrum sou rapporteer. Lees meer

NWU-Puk-spiesgooiers presteer in buiteland
Sunette Viljoen het vir die soveelste keer vanjaar 'n wêreldklasvertoning in die spiesgooi gelewer, toe sy op Vrydag 31 Julie tydens die Bayer-byeenkoms in Leverkusen, Duitsland die spies 63.51m vêr geslinger het. Ulrich Damon het die junior Afrika-titel op Saterdag 1 Augustus in Bambous, Mauritius op indrukwekkende wyse ingepalm, toe hy die titel met 'n puik afstand van 73.31 gewen het. Terseus Liebenberg, atletiekbestuurder van NWU-Puksport en spiesgooi-afrigter is weer deur die Europese Afrigtersvereniging as gasspreker uitgenooi na die jaarlikse kongres van die vereniging. Lees meer

Industriële Teater: Tina, Stevie en Mozart saam op NWU-Puk-verhoog
Tina Turner, Stevie Wonder en Amadeus Mozart besoek die Pukkampus van die Noordwes-Universiteit aanstaande maand. 'n Industriële teater-vertoning met Tina Turner-, Stevie Wonder- en Mozart-dubbelgangers sal op 13 en 14 Augustus op die Pukkampus op die planke gebring word. Lees meer

Universiteite span saam om studente veilig te laat ry
Die Pukkampus van die Noordwes-Universiteit het vanjaar die inisiatief geneem om studente van Kovsies veilig in die stad te kry vir die jaarlikse Intervarsity. Die maatskaplike werker van die Puk, me. Lenie Kotzé, het met verskeie ander instansies en ondernemings, asook die Universiteit van die Vrystaat, saamgespan om op Vrydag, 31 Julie ’n veilige roete tussen Bloemfontein en die stad aan reisende Kovsies te bied. Lees meer

Bafokeng-koning aangewys as nuwe kanselier
Die nuwe kanselier van die Noordwes-Universiteit (NWU) is waarskynlik een van die bekendste mense in Noordwes en 'n man met sy voete stewig op die aarde. Hy is koning Lerou Tshekedi Molotlegi, die hoof van die Bafokeng-stam in die Rustenburg-omgewing.Die Universiteitsraad het Molotlegi tydens ‘n vergadering in Junie as kanselier aangewys nadat die termyn van mnr. Popo Molefe, destydse premier van Noordwes, verstryk het. Lees meer

SJGD skenk ruim aan projekte
Die Studente Jool Gemeenskapsdiens (SJGD) van die Pukkampus van die Noordwes-Universiteit het vanjaar sowat R220 000 aan projekte en instansies geskenk. Dié fondse word jaarliks tydens Jool-week in die provinsie ingesamel en is tydens die geleentheid aan dertig organisasies en individue in Noordwes oorhandig. Lees meer

Student verower Protea-kleure in rolbal
Talle NWU-Puk-studente het die afgelope tyd op die sportveld presteer en dis veral in rolbal en ringbal waar die sportlui hul staal gewys het. Pierre Breitenbach, 'n finalejaarstudent, is in die Protea-span ingesluit, wat einde Augustus aan die Afrika State-toernooi in Swaziland gaan deelneem. Hy is die eerste man uit die provinsie wat Protea-kleure kry en is ook die jongste speler in die geskiedenis van die sport in Suid-Afrika om die Protea-baadjie te kan aantrek. Lees meer

Oud-Puk skitter "agter" die kameras
"Daar is net iets omtrent regisseurwerk wat vir my werk, dit kom nogals natuurlik en ek is in my element wanneer ek dit doen." Só sê Sanet Olivier, oud-Puk en tans direkteur van Homebrew Films wat die nuwe televisieprogram, Shoreline, vir  SABC2  gemaak het. Lees meer

Eerste swart viserektor vir teologiese skool
Die teologiese skool op Potchefstroom het prof. Rantoa Letšosa as sy eerste swart viserektor aangestel. Letšosa is op die onlangse sitting van die kuratore van die teologiese skool vir die volgende drie jaar aangestel. Letšosa, ’n lektor in die vakgroep praktiese teologie, is nou ook lid van die uitvoerende komitee van die fakulteit teologie aan die Noordwes-Universiteit se Potchefstroomkampus. Lees meer

Nuwe Bakgat-film se tonele op die kampus verfilm
Die Potchefstroomkampus was die afgelope week die tuiste van ‘n filmspan wat hier tuisgegaan het om tonele vir die fliek Bakgat 2 te verfilm.Soos in die vorige Bakgat-fliek is Ivan Botha weer in een van die hoofrolle – dié van Wimpie Koekemoer die rugbyspeler. Tonele is onder meer by die Piet Malan-gebou, die Fanie du Toit-sportterrein, in Loverslane, voor die hoofgebou en by Caput verfilm. Lees meer

NWU-Puk spog met twee finaliste in ontwerpkompetisie
Twee grafiese ontwerpstudente van die NWU-Puk is finaliste in vanjaar se Design Achiever Awards-kompetisie van die SABS Design Institute. Die finalejaarstudente, Freda Raubenheimer en Sophia Strydom, se ontwerpkonsepte is onder die finaliste in dié gesogte kompetisie. Lees meer

NWU-Puk tref voorsorg vir varkgriepvirus
Studente moet nie oorreageer of paniekerig raak oor die H1N1-virus (varkgriep) wat tans in die land voorkom nie. Volgens sr. Adele Burger, beroepsverpleegkundige by die gesondheidsorgsentrum op die kampus, is alle voorkomingsmaatreëls in plek indien studente met griepsimptome by die sentrum sou rapporteer. Lees meer

Ingenieurskool ’n reuse sukses
Leerlinge kon nie uitgepraat raak oor die ingenieurskool wat die fakulteit ingenieurswese aan die Noordwes-Universiteit se Potchefstroomkampus aangebied het nie. Die 115 leerlinge tussen gr. 10 en 12 het elke dag roteer om verskeie pretprojekte aan te pak. Hulle het ’n motorkarretjie wat met ’n muisvalletjie aangedryf word en ’n klapskakelaar gemaak. Hulle het ook geleer hoe ’n rekenaarsimulasie-pakket wat op universiteitsvlak en ook in die industrie gebruik word, werk. Lees meer

Studentelewe na Innibos
Al is die Innibos-kunstefees van Nelspruit nou iets van die verlede gaan nog baie jong mense van die NWU-Pukke onthou nadat Bouwer Bosch, hoofsanger van Straatligkinders, met ‘n funky nuwe NWU-Puk T-hemp op die verhoog verskyn het. Boonop is ‘n foto van Bosch met dié T-hemp wat hy “met trots aangetrek het” reeds sedert die naweek op die voorblad van Speakerbox, een van die gewildste aanlyn-tydskrifte vir musiek. Lees meer

Sunette stel nuwe Afrika-rekord op
Sunette Viljoen van die NWU-Puk het pas ’n nuwe Afrika-rekord tydens die jaarlikse Wêreld Studentekampioenskap in Serwië met haar spiesgooi opgestel. Sy het verras in die kwalifiserende ronde met haar gooi van 65.43m. Dit is ’n reuse verbetering van sowat drie meter op haar vorige beste van 62.24m verlede jaar. Lees meer

NWU-Pukke behaal groot suksesse in Ussa-toernooie
Studente van die Noordwes-Universiteit se Potchefstroomkampus het uitstekend gevaar in die toernooie van Universiteitsport Suid-Afrika (USSA) tydens die vakansie. Die NWU-Pukke het vir die tiende jaar die karatetoernooi gewen en in Johannesburg by die Universiteit Johannesburg seker gemaak van die netbal- en rugbytitels. Lees meer

PBS stel nuwe nagraadse diploma in bestuur bekend
Die Potchefstroom Besigheidskool (PBS) aan die Fakulteit Ekonomiese- en Bestuurswetenskappe van die Noordwes-Universiteit begin in 2010 met 'n nuwe kwalifikasie gemik op voltydse NWU-studente.  Die nuwe diploma is juis gerig om voltydse studente te akkommodeer wat in 2009 gradueer, maar hulself verder wil bekwaam. Lees meer

Bekende sportfabriek smee bande met Dreamveldt-atletiekklub
’n Afvaardiging van ’n bekende sportfabriek in Swede was onlangs op ’n blitsbesoek in Suid-Afrika om handelsbande met die land te versterk. Die besturende direkteur van die Nordic sportfabriek, mnr. Andreas Eriksson, en sy verkoopsbestuurder, mnr. Erik Marklund, was ook in gesprek met mnr. Terseus Liebenberg, bestuurder van die Dreamveldt NWU-Pukke atletiekklub oor die moontlikheid van 'n borgskap om die bestaande fasiliteite op te gradeer. Lees meer 

Erica Magerman beste onnie
’n Student van die skool vir voortgesette onderwysersopleiding (SVO) aan die NWU-Puk is as die nasionale wenner in die kategorie uitmuntendheid in laerskoolonderrig aangewys. Erica Magerman van die Laerskool Aggeneys in die Noord-Kaap het dié toekenning van die nasionale onderwysdepartement ontvang. Lees meer 

Kerningenieur by NWU ontvang gesogte toekenning
Werner van Antwerpen van die Pukkampus van die Noordwes-Universiteit het bewys dat hy 'n ware ambassadeur is toe hy onlangs die Harry Mandill-toekenning vir uitsonderlike meestersgraadnavorsing op die gebied van kerningenieurswese ontvang het. Van Antwerpen is tans 'n PhD-student in kerningenieurswese by die nagraadse skool vir kernwetenskap en ingenieurswese. Lees meer

Russiese Ballet in Potchefstroom
’n Lieflike en unieke geleentheid doen hom voor vir balletliefhebbers om ’n optrede van die Imperial Russian Ballet Company op die NWU-Pukkampus te sien. Dié optrede word op Woensdag, 24 Junie in die Sanlam-Ouditorium gehou en word deur die departement kunste en kultuur van die NWU-Puk gereël. Lees meer

’n Hele week vol waardes
Vanjaar se waardeweek wat in Mei op die kampus gehou is was weer eens ’n groot sukses toe studente opnuut herinner is aan die waardes waarna gestrewe moet word. Prinsipiële leiding (PL), ’n portefeulje van die studenteraad, reël jaarliks die week. Lees meer

NWU-Puk ken 55 doktorsgrade toe
Altesame 55 doktorsgrade is Vrydag (15 Mei) deur die Potchefstroomkampus tydens die Herfsgradeplegtigheid toegeken terwyl drie mense, wat baanbrekerswerk op hul onderskeie gebiede gedoen het, met eredoktorsgrade vereer is. Tydens die geleentheid is die kanseliersmedalje ook toegeken. Sowat 'n kwart van die nuwe doktore is personeellede op die Potchefstroomkampus. Lees meer 

Malaria onder NWU-navorsers se soeklig
Unieke navorsing van die Noordwes-Universiteit se Potchefstroomkampus het gelei tot ’n samewerkingsooreenkoms met ’n wêreldleier op die gebied van subtropiese siektes. Navorsers van die Puk het sowat R4,3 miljoen van die Innovasiefonds van die departement van wetenskap en tegnologie ontvang om hulle Pheroid™-tegnologie in samewerking met die Switserse Tropiese Instituut vir malaria-navorsing aan te wend. Me. Anne Grobler (foto) van die eenheid vir geneesmiddelnavorsing en -ontwikkeling, sê die Innovasiefonds sal die bilaterale verdrag namens die Suid-Afrikaanse regering met die Switsers hanteer. Lees meer

Oud-lektor vereer vir werk om osoonlaag te beskerm
'n Voormalige NWU-Puk-professor in omgewingsbestuur het onlangs nuus gemaak toe hy ‘n gesogte internasionale toekenning van die Verenigde State se Omgewings-beskermingsagentskap (USEPA) ontvang het vir sy indrukwekkende bydrae om die osoonlaag te beskerm. Dr. Pieter Aucamp (foto), wat tans steeds 'n aanbieder van omgewings-bestuurkursusse by die Sentrum vir Omgewingsbestuur op die Potchefstroomkampus is, is die eerste Suid-Afrikaner wat die eer te beurt val. Lees meer

Wêreldkampioenskap wink vir NWU-Puk-skaakspeler
‘n Tweedejaarstudent van die NWU-Puk is na Egipte op pad waar hy aan die Wêreld Amateurskaakkampioenskap gaan deelneem. Darren Bornheim (foto) is pas ingesluit in die o.20 Suid-Afrikaanse skaakspan en is slegs een van drie wat uit die ouderdomsgroep gekies is. Lees meer

Nuwe dinamiese leier vir Jool
Jool is een van die grootste aktiwiteite waarmee studente hulself elke jaar besig hou. ’n Hele week van goeie tye saam met vriende en dit alles vir ’n goeie doel. Wat meer wil jy hê? Natuurlik het ’n organisasie soos Jool ’n leier nodig. Thinus Dreyer (foto) is onlangs verkies as voorsitter van Jool vir die 2009/2010-termyn. Dit is ’n tawwe paar skoene om te vul, maar gelukkig is hy al vir drie jaar reeds op die NWU-Puk en was hy voorheen al betrokke by Jool. Lees meer

Rekordgetal besoekers by Opedag
Die Potchefstroomkampus het met vanjaar se Opedag vir voornemende nuweling-studente weer die geskiedenis herskryf met ‘n rekordgetal besoekers wat hier toegesak het. Sowat 8 000 mense het Vrydag (1 Mei) die kampus besoek om meer inligting te bekom oor die verskeidenheid studierigtings, moderne geriewe en die unieke studentelewe wat die NWU ‘n gesogte tersiêre instelling maak. Lees meer

NWU-Pukke sorg vir groot medalje-oes
Studente van die NWU-Puk het weer die afgelope tyd hul staal gewys met ‘n rits sportprestasies. Die ses NWU-Pukke wat onlangs aan die KWF Wêreldkampioenskap in Noorweë deelgeneem het, het ook uitstekend presteer. Sensei Johan van Tonder (foto), die spanbestuurder en NWU-Puk-afrigter, is baie tevrede met sy span wat die kampioenskap gewen het en altesame 26 medaljes teruggebring het – waarvan elf goue medaljes is. Lees meer

• Die NWU-Puk se rugbyspan speel vanaand (7 Mei) in Randfontein teen die plaaslike klub in die Goue Leeus se Pirates Groot Uitdaagliga.

Studente keer terug van uitruilbesoek aan Swede
Twee studente van die Noordwes-Universiteit se Potchefstroomkampus het onlangs van ’n besoek aan ’n Sweedse universiteit as deel van ’n uitruilprogram teruggekeer. Die studente, Dorothy Koka en Anchen van der Walt, het September tot Desember 2008 by die Universiteit van Gävle in Swede spandeer. Hier is prof. Kobus Pienaar (dekaan van die fakulteit natuurwetenskappe) by Dorothy Koka tydens ’n sertifikaatoorhandiging. Lees meer

Universiteit help behoeftige nagraadse studente
Die Noordwes-Universiteit (NWU) het onlangs 'n nagraadse leningskema in die lewe geroep om behoeftige studente te help om hul grade te voltooi. Die NWU het deur middel van die Nasionale Finansiëlehulpskema vir Studente (NSFAS) 'n  vaste leningsbedrag aan die hand gedoen wat gekoppel sal wees aan studente se akademiese prestasie. Volgens mnr Danie Hefer (foto), hoof van Finansiële Steundienste op die Potchefstroomkampus, is daar baie studente wat as voorgraadse studente vir die NSFAS-beurslening gekwalifiseer het, en dit ook ontvang het, en wat kwalifiseer vir nagraadse studies op honneursvlak.  Lees meer 

Die impak van ddt/malaria word hersien
Kundiges van die Noordwes-Universiteit en die Universiteit van Pretoria vorm deel van ’n internasionale groep wat die impak van ddt/malaria hersien. Prof. Henk Bouwman (foto) op die Potchefstroomkampus van die Noordwes-Universiteit is een van die kundiges wat navorsing doen oor die effek van DDT op mense en die omgewing wat in Suid-Afrika en Mexiko onderneem is. Lees meer

Nuwe netbal "Bokkie" vir NWU-Puk
Chrisna Bootha (foto) is na 'n oefenkamp wat die naweek in Potchefstroom plaasgevind het, ingesluit in die Proteaspan wat binnekort aan 'n toernooi teen Botswana en Fidji gaan deelneem. Bootha klop al etlike jare aan die deur en het nou die deurbraak gemaak. Lees meer

“Lighting a candle in a world of darkness”
Dosente van die skool vir voortgesette onderwysersopleiding (SVO) op die Potchefstroomkampus van die Noordwes-Universiteit het besluit om die ekstra myl te stap om twee blinde studente met hul eksamen-aflegging te help. Me. Hettie Sieberhagen (foto), ’n dosent by dié skool, sê ’n fasiliteerder in Giyani, me. Jean Cumming, het hulle in 2006 vertel van twee blinde studente wat vir die nasionale professionele onderwysdiploma geregistreer het. Mnre. Ben Ngobane en Laurence Ntshani was destyds albei onderwysers by die Rivoni Society for the Blind naby Elim-hospitaal in Limpopo. Lees meer

NWU gerekende leiers in die veld van kerningenieurswese
’n Doktorsgraadstudent in kerningenieurswese aan die Potchefstroomkampus van die Noordwes-Universiteit is pas aangewys as die enigste Suid-Afrikaner wat die land op ’n internasionale konferensie oor energetika sal verteenwoordig. Werner van Antwerpen (foto) sal Suid-Afrika verteenwoordig by die European Nuclear Education Network Association (ENEN) se internasionale konferensie op 5 Junie in Boedapest, Hongarye. Die NWU is die eerste tersiêre instansie buite Europese grense wat as lid van ENEN aangewys is en Van Antwerpen is die enigste Suid-Afrikaanse verteenwoordiger wat deur ENEN-lede en beoordelaars gekies is om aan die konferensie deel te neem. Die NWU is ook die eerste Suid-Afrikaanse universiteit wat 'n eerstoel in kerningenieurswese by die Departement van wetenskap en tegnologie, asook die PBMR (Pebble Bed Modular Reactor) ontvang het. Lees meer

Jong sanger presteer
Judicious Matsie, 'n sangstudent van me. Santisa Viljoen (foto) by die skool vir musiek op die Potchefstroomkampus van die Noordwes-Universiteit, het tydens eksterne sangeksamens in 2008 buitengewone sukses behaal. Lees meer

Diversiteit in opvoedkunde ondersoek
Die diversiteit in opvoedkundige navorsing en onderwysersopleiding is die onderwerp van die fakulteit opvoedingswetenskappe se jaarlikse navorsingseminaar wat eersdaags aangebied word. Die uitdagings en geleenthede van dié onderwerp sal deur sprekers uit die VSA, Verenigde Koninkryk, Ikeys, Kovsies en Unisa behandel word. Die seminaar word op 29 April om 08:30 in die ou POK-hoofgebou aangebied. Vir meer inligting skakel Marichelle van de Venter by tel (018) 299-1890. Prof. Petra Engelbrecht (foto), dekaan van die fakulteit opvoedingswetenskappe sal die gaste verwelkom. Lees meer 

Sweeftuig-dosent skitter met goue medalje
Die dosent by die skool vir meganiese ingenieurswese wat homself al herhaaldelik onderskei het as voorste lugvaartkenner, is deur die Lugvaartvereniging van Suid-Afrika met die Neels van Niekerk Goue Medalje vir Uitmuntende Prestasie in lugvaartingenieurswese beloon. Die gesogte toekenning wat mnr. Attie Jonker (foto) van Jonker Sailplanes losgeslaan het, is slegs die derde van sy soort wat die afgelope twintig jaar toegeken is. Die lugvaartvereniging vier in 2011 hul honderdste bestaansjaar. Lees meer

NWU-Pukke klop moedige Impalas
Die NWU-Puk se eerstespan is veilig oor die eerste hekkie op die pad na die nasionale klubkampioenskap ná hulle Saterdag die eerste uitspeelwedstryd teen Impala maklik met 41-22 gewen het. Die wedstryd het op Impala se tuisveld plaasgevind. Die NWU-Pukke het al ses hulle wedstryde gewen. Lees meer

Ses akademici vereer deur Akademie vir Wetenskap en Kuns
Ses akademici van die Potchefstroomkampus van die Noordwes-Universiteit is vanjaar deur die SA Akademie vir Wetenskap en Kuns vir uitmuntende navorsing vereer. Dié personeel is benoem in kategorieë wat wissel van taalwetenskap, onderwys, wiskundige-, biologiese-, farmaseutiese en plantkundige wetenskap. Hulle sal die toekennings op 27 Junie tydens die Akademie se eeufeesvieringe in Bloemfontein ontvang. Lees meer

USSA-atletiekuitslae bevraagteken
Die finale uitslag van die spankompetisie van die onlangse USSA-atletiek in Stellenbosch word deur die bestuurder van atletiek van die NWU-Puk bevraagteken. Volgens Terseus Liebenberg is dit onmoontlik dat die NWU-Puk se vrouespan net derde kon eindig. Volgens sy berekeninge moes hulle ver gewen het. Dit sou dan ook beteken het dat die NWU-Puk algeheel moes wen. Lees meer

Rektor skenk ruim aan DBV
Die rektor van die Potchefstroomkampus van die Noordwes-Universiteit het ’n ruim skenking aan die dierebeskermingsvereniging (DBV) oorhandig om te help met die katteprobleem op kampus. Prof. Annette Combrink het R20 000 aan die DBV oorhandig om katte wat op kampus gevang word te versorg terwyl hulle wag om aangeneem te word. Die katprobleem het groot afmetings aangeneem omdat hulle al meer inteel en siektes kry. Lees meer

Waanders deel kundigheid oor steenkoolnavorsing
Die skool vir chemiese- en mineraalingenieurswese op die Potchefstroomkampus van die Noordwes-Universiteit het bewys dat hulle gerekende wêreldkenners op die gebied van steenkoolnavorsing is. Prof. Frans Waanders (foto) is na die Fossil Fuel Foundation (FFF) se onlangse Indaba oor skoon steenkooltegnologie deur die media genader om sy vakkennis op RSG se joernaalprogram, Spektrum, te deel. Lees meer

Blikkies word kunswerke
Studentekreatiwiteit het Woensdag (25 Maart) weer die botoon gevoer in die wandellaan tydens die jaarlikse Blikkieskosdag van SJGD. Derduisende blikkies is ingespan om vanjaar se tema, Rippel-effek, uit te beeld en terselfdertyd het die sleepkoshuise hul Canvas-skilderwerk gedoen. Lees meer

Phakati maak al drawwende gereed vir Comrades
Die NWU-Puk se mense kan op 24 Mei gerus die Comrades dophou wanneer Kaizer Phakathi, 'n deeltydse bode op die Potchefstroomkampus, sy tekkies aantrek om aan die gewilde gebeurtenis op die atletiekkalender deel te neem. Phakati (foto) het al minstens 2 500km gedraf as deel van sy voorbereiding vir vanjaar se Comrades. Lees meer

Grootste sosiale dag reuse sukses
Die Potchefstroomkampus was verlede Vrydag (20 Maart) die gasheer van die grootste interkampus sosiale dag tot nog toe. Altesame 550 personeellede van die Noordwes-Universiteit se drie kampusse en die institusionele hoofkantoor het aan die pretdag deelgeneem en opnuut nuwe vriendskappe oor die kampusgrense heen gesmee. Onder die stappers was proff. Annette Combrink (kampusrektor), Marlene Viljoen (dekaan van die fakulteit gesondheidswetenskappe) en Mariëtte Lowes (viserektor vir akademie). Lees meer

Nuweling NWU-Puk gooi spies verder en verder
Die Noordwes-Universiteit het vanjaar nog ‘n nuwe spiesgooi-sensasie ryker geword toe Ulrich Damon hom by die Dreamveldt NWU-Puk se atletiekklub aangesluit het. Die boorling van Stellenbosch spog met 'n rits rekords op sy kerfstok en het sy persoonlike beste afstand sedert die begin vanjaar herhaaldelik verbeter. Hy word bestempel as 'n besliste medalje-kandidaat tydens dié naweek se SA Senior-atletiekkampioenskap wat by die Coetzenburg-stadion in sy tuisdorp plaasvind. Lees meer

Gee jou kreatiwiteit 'n hupstoot
As jou lewe dol en deurmekaar is, kan jy in ’n kreatiewe omgewing by die sentrum vir kreatiwiteit op die Pukkampus van jou stres ontslae raak. Dié sentrum bied gehalte-kursusse met die hoogste kreatiewe standaarde aan wat kan meeding met enige van die voorste instansies in kreatiewe opleiding. Lees meer 

NWU-Pukke kry voltal – deur na halfeindstryd
Die NWU-Pukke het Maandagaand  (9 Maart) op die TUT-stadion in Pretoria seker gemaak van 'n plek in die halfeindronde van die Varsity Cup. Hulle het 'n voltal van vyf punte verdien het toe hulle die span van TUT met 56-14 geklop het. Die NWU-Pukke se kaptein Willem van der Wal (foto) het sy gebruiklike uitstekende vertoning gelewer. Eerskomende Maandag (16 Maart) se bepalings van die Varsity-bekerkompetisie lyk soos volg: NMMU t UJ, NWU-Pukke t Ikeys, TUT t Shimlas, Tukkies t Maties. Lees meer

Gesondheidsorgsentrum open 'nuwe’ deure
Die nuwe gesondheidsorgsentrum op die Potchefstroomkampus van die Noordwes-Universiteit is pas amptelik in gebruik geneem. Die sentrum is ’n lank gekoesterde ideaal van die kampusrektor, prof. Annette Combrink, wat in 2004 reeds begin vorm aanneem het. Prof. Annette (foto) klink ’n glasie op die opening van die gesondheidsorgsentrum. Lees meer

Van Rooy werk aan projek vir Cambridge Universiteit
Prof. Herrie van Rooy (foto) van die fakulteit teologie is uitgenooi om saam te werk aan ’n projek van die Cambridge Universiteit wat verband hou met Siriese manuskripte wat tans in Berlyn gehuisves word. Prof. Van Rooy werk tans aan 'n kritiese uitgawe van die Oos-Siriese Psalmopskrifte, met gebruikmaking van manuskripte uit veral die sesde tot dertiende eeu. Lees meer 

Kinders gaan meer van omgewingsbestuur leer
Die NWU-Puk en die Vrije Universiteit in Brussel het ’n ooreenkoms aangegaan waarin hulle laerskole meer bewus wil maak van hoe om  omgewingsbestuur in skole te kan toepas. Op die foto word die ooreenkoms tussen die Vrije Universiteit in Brussel en die NWU-Puk deur prof. Luc Hens en die kampusrektor, prof. Annette Combrink onderteken. Agter staan dr. Schalk Raath van Museumpark, die derde vennoot in die ooreenkoms, en prof. Barry Richter, direkteur van die skool vir kurrikulumgebaseerde studies. Lees meer

Potchefstroom-skole besoek die NWU-Pukkampus
Nagenoeg 480 leerders van hoërskole in Potchefstroom het die NWU-Pukkampus vandeesweek besoek. Die leerders het verskeie fakulteite en dorpskoshuise besoek om hulle voor te berei op ’n keuse vir studies om aanstaande jaar te maak. Mnr. Johan Pyper (foto) en mev. Hannatjie Visagie van die departement bemarking en kommunikasie het die gaste op kampus ontvang. Lees meer

Waar in die wêreld is Duvêr?
Dis 'n huis weg van die huis af. Dis 'n groot gesin wat saam lag, huil en hard werk. Dis een koshuis. Een bondel. Só beskryf die studente van die universiteit se eiesoortige koshuis hulle tuiste. Hoewel Huis Duvêr ver klink, is dié dorpskoshuis se inwoners net so volwaardig deel van die NWU-Pukkampus se studentelewe soos enige ander af-kampusstudent. Lees meer

Honneursstudent naaswenner in landwye begrotingskompetisie
Een van die NWU-Puk se honneursstudente van die skool vir ekonomie, Carike Claassen (foto), is aangewys as die naaswenner in die Nedbank Old Mutual Begrotingskompetisie vir 2008. Carike het dié gesogte prys gewen met 'n artikel wat sy verlede jaar geskryf het. Sy moes ook ‘n paneelonderhoud in die Kaap voer. Dit is 'n landwye kompetisie wat jaarliks gehou word en sy is R15 000 ryker ná haar prestasie. Lees meer

Konserte in 2009 by die konservatorium
Die Skool vir Musiek se konsertkalender vir vanjaar sluit weer 'n verskeidenheid van konserte in wat vir amper elke smaak iets behoort te bied. Lees meer

Kampus nou gerat vir kragonderbrekings
Die Potchefstroomkampus is nou gereed om enige kragonderbreking te hanteer sonder om werkure, klas- of navorsingstyd in te boet. Die sentrale noodkragstelsel  is Vrydag (13 Februarie) amptelik deur die kampusrektor, prof. Annette Combrink (foto), in gebruik geneem. Die stelsel, wat bestaan uit ses Cat-noodkragstelle van 1 100kVA, met ’n totale kapasiteit van 6600kVA (6,6MVA), is enig van sy soort in Suid-Afrika deurdat dit drie sones afsonderlik kan bedien. Lees meer

NWU-konsortiums raap R10 miljoen se kontrakte op
Twee kontrakte ter waarde van R10 miljoen is pas tussen die Noordwes-Universiteit en Palama (Public Administration Leadership and Management Academy) onderteken om opleiding aan senior staatsdiensamptenare te fasiliteer. Die Noordwes-Universiteit is die leidinggewende instansie in ses van die nege provinsies. Die twee ander konsortiums van tersiêre instellings behartig die ander provinsies. Hulle is die Nelson Mandela Metropolitaanse Universiteit en die Vaal Universiteit vir Tegnologie. Lees meer

Wêreldbekende kardiovaskulêre navorser besoek HART
Die Hypertension in Africa Research Team (HART), een van die nuwe nisareas van die NWU, het hul eerste internasionale besoeker onlangs op die Potchefstroomkampus verwelkom. Personeellede van HART het prof. Luc van Bortel (foto) op vorige kongresse ontmoet en besluit om hom na Suid-Afrika uit te nooi. Lees meer

HOKK-oudit nou in die pylvak
Die Potchefstroomkampus van die NWU was vandeesweek eerste aan die beurt om die HOKK-subpaneel te ontvang tydens 'n kampusbesoek waar die besoekers eerstehands inligting bymekaargemaak het oor onder meer die fasiliteite en akademiese ondersteuningsdienste wat die NWU hier bied. Lees meer

Du Plessis se Verbrande paradys 'n boeiende verhaal van liefde
Prof. Hans du Plessis (foto), direkteur van die ATKV-skryfskool en skrywer van die immergewilde Griekwapsalms, se sesde roman is kraakvars op die rakke. Dié roman, Verbrande paradys, is die verwikkelde verhaal van mense uit die ekologies verbysterende  omgewing van die Vredefortkoepel. Du Plessis se nuwe roman beloof om weer 'n blitsverkoper te wees: Dit is 'n roman in die tradisie van Dalene Matthee se bosromans, sê Daniël Hugo in 'n verslag oor die boek. Lees meer

Sunette gooi weer oor 60 meter
Die Dreamveldt NWU-Puk atletiekklub se Sunette Viljoen het vir die vierde agtereenvolgende byeenkoms die spies oor die 60 meter geslinger toe sy Donderdagaand die Atletiek Sentraal Noordweskampioenskap met 'n afstand van 60.85 gewen het. Lees meer

Du Pisani erken as navorser van historiese studies
Prof. Kobus du Pisani van die skool vir sosiale en owerheidstudies op die Potchefstroomkampus van die Noordwes-Universiteit het pas sy C-gradering as navorser ontvang. Die Nasionale Navorsingstigting (NRF) het Du Pisani erken as ’n gevestigde navorser met ’n volgehoue rekord van produktiwiteit in die veld van historiese studies. Hy sluit nou aan by 100 ander gegradeerde navorsers aan die NWU en 49 ander navorsers in die land in die breë veld van historiese studies.  Lees meer

Die enigste roos tussen die dorings
Een van die talle werkers op kampus wat verantwoordelik is vir ons prag tuine is besig om 'n stofwolk los te werk in 'n wêreld wat voorheen hoofsaaklik vir mans beskore was.Me. Miranda Jona het vroeg in Januarie die spitvurk en graaf opgeneem toe sy by Real Landscapes aangesluit het. Sy is die enigste vrou onder die onderneming se tientalle werkers op die kampus. Lees meer

NWU-Puk gee erkenning aan lojale personeel
Altesame 125 personeellede van die NWU-Puk wat saam 2 210 jare diens agter die blad het, het hulle langdienstoekennings tydens die amptelike opening van die universiteit ontvang. Die rektor, prof. Annette Combrink, het spesiale oorkondes aan personeel met 25 en meer jare diens oorhandig en elkeen vir hulle lojale diens aan die universiteit bedank. Prof. Faans Steyn (foto) van die statistiese konsultasiediens het sy oorkonde vir veertig jaar diens van die rektor, prof. Annette Combrink, ontvang. Lees meer

Kyk vanjaar beter na jouself - Prof. Annette Combrink, Kampusrektor
"Be kinder to yourself”. Dit is die boodskap wat prof. Annette Combrink met die amptelike opening van die akademiese jaar aan Puk-personeel gegee het. “Mense op die kampus werk baie hard. Die omvang van die harde werk is dalk nie altyd sigbaar vir die onoplettende persoon nie, maar as ’n mens dit meet aan navorsingsuitsette, deurvloei van studente, die mooi en versorgde kampus, prestasies op sport- en kultuurgebied, die suksesvolle eerstejaarsontvangs en die Sone 6 Spele, moet ek sê, dit word raakgesien. Lees meer

Oud-Puk is sportsielkundige vir Brumbies
’n Oudstudent van die Pukkampus van die Noordwes-Universiteit is pas as sportsielkundige van ’n Super 14-span in Australië aangewys. Dr. Pieter Kruger is deur die Brumbies gekontrakteer om toepaslike span- en individuele sielkundige assesserings en intervensies te behartig. Kruger was die afgelope drie jaar by die bekende Harlequins-span in Londen betrokke. Lees meer

Kunsopdrag verskaf plesier aan minderbevoorregtes
Kunsstudente van die skool vir kurrikulumgebaseerde studies het kort voor die Feestyd groot plesier verskaf aan minderbevoorregte kinders in van die armste plakkerskampe rondom Potchefstroom. Lees meer

NWU-Pukke hou weer Jool!
Die Joolkomitee van die NWU-Pukkampus het reeds byna ’n jaar se reëlings agter die blad vir die Jool wat op 5 en 6 Februarie gehou word. Die studente het reeds Vrydag, 30 Januarie begin met die bou van vlotte op die Joolplaas. Die Joolpersoonlikheid is ook Vrydagaand in die Elgro Hotel gekroon. Lees meer

FNB Varsity Beker skop af, NWU-Puk val vas teen Tukkies
Die NWU-Puk het Maandagaand met twee punte teen Tukkies verloor in die eerste ronde van die Varsitybeker. Die eindtelling was 29-27. Tukkies was teen rustyd 10-6 voor. Oud-Rustenburger en oud-Puk, Johan Jackson, het Tukkies vroeg op die telbord geplaas na hy die bal onderskep het een gaan druk het. Na die doelskop was Tukkies 7-0 voor en die Pukke kon nooit die voortou terugneem nie. Vir meer inligting oor die Varsity Cup-kompetisie besoek www.varsitycup.co.za Lees meer

NWU eerste om PRMIA-akkreditering te ontvang
PRMIA het pas aangekondig dat dit Risikobestuursakkreditering aan die Kwantitatiewe Risikobestuursprogram van die Noordwes-Universiteit in Potchefstroom toegeken het – die eerste universiteit in Suid-Afrika om hierdie akkreditering te ontvang. "Die PRMIA-akkreditering van ons BSc Honneursgraad-program in Kwantitatiewe Risikobestuur is uiters waardevol," sê professor Riaan de Jongh (foto), Direkteur van die Sentrum vir BWI. Lees meer

Gholfdag verstewig kanselierstrustfondse
Die onlangse kanselierstrust-gholfdag waarin die voormalige staatspresident, mnr. FW de Klerk gespeel het, het sowat R50 000 vir dié fonds opgelewer. Mnr. De Klerk het tydens die prysuitdeling gesê hy het destyds besluit om ’n substansiële deel van sy Nobelprys in die Puk te belê. Hy het dié fonds in September 1994 gestig om die funksionele status van Afrikaans te behou en uit te bou. Lees meer

'n Era word voltooi met die onthulling van Eloff-skildery
Die nuwe jaar se bedrywighede in die rektorskantoor op die Potchefstroomkampus het 'n luisterryke geleentheid ingesluit waartydens die skildery van die vorige rektor amptelik onthul is. Die spoggerige skildery van dr. Theuns Eloff, die sewende rektor van die voormalige Potchefstroomse Universiteit en tans visekanselier van die (nuwe) Noordwes-Universiteit, hang nou saam met die ses ander vorige rektore in die ontvangsgedeelte by die kantoor van die rektor op die tweede vloer van die Joon van Rooygebou. Lees meer

Boulevard Harmoniste wen trofee in Europa
Die Boulevard Harmoniste van die NWU-Puk het die afgelope vakansie ’n prag-trofee tydens ’n internasionale Kersfees-koorkompetisie in die Tsjeggiese Republiek gewen. Die Harmoniste, die Pukkampus se elite A Capella sang-ensemble, het die “Prague Christmas International Competition” vir kleiner kore gewen. Lees meer

Meer as 4000 eerstejaars verwelkom
"Studente verkies die NWU-Puk omdat ons meer uitgesproke Afrikaans is en ’n groeiende reputasie as ’n goeie universiteit het". Só het die kampusrektor van die Potchefstroomkampus van die Noordwes-Universiteit Saterdag (17 Januarie) tydens die amptelike verwelkoming van eerstejaarstudente gesê. Een van die bekende omroepers op RSG, Niekie van den Berg, het sy jongste dogter, Carla, aan die NWU-Puk ingeskryf. Lees meer  <<Foto's van eerstejaars in O-en-B-program>> <<Lees Rektor se toespraak>>

NWU-Puk verwelkom nuwe eerstejaars
Die Potchefstroomkampus van die Noordwes-Universiteit het reeds sy vere reg geskud vir die sowat 4 200 eerstejaarstudente wat Saterdag (17 Januarie) in die Amfiteater (foto) op die kampus ontvang word. Die eerstejaars en hul ouers word Saterdagoggend om 07:45 deur die kampusrektor, prof. Annette Combrink, ontvang waarna hulle deur die dekane van die agt fakulteite toegespreek sal word. Lees meer

Mpho Motoboli is aanwins vir wetenskap
"My boodskap aan jongmense is om hulle doelwitte duidelik te stel, dit na te streef, die dapper stap te neem en jou energie te fokus op dit wat jy wil hê en daarin te glo. Onthou alles begin met ’n droom, wat jy daarvan maak hang van jouself af". Dié inspirerende boodskap kom van Mpho Motoboli (foto), ’n jong meestersgraadstudent in Chemie op die Potchefstroomkampus van die Noordwes-Universiteit, wat háár droom kon verwesentlik. Lees meer