Prof. Gordon Sibiya ontvang eredoktorsgraad

Prof. Gordon Sibiya, dosent by die Nagraadse Skool vir Kernwetenskap en Ingenieurswese, het onlangs 'n eredoktorsgraad in wetenskap van die Universiteit van Fort Hare ontvang.
  Die toekenning is aan hom gemaak vir sy gemeenskapswerk in die onderrig van wiskunde en wetenskap op skoolvlak en verder. Sibiya het meer as twintig jaar ervaring in die ingenieursbedryf en het ’n PhD in kerningenieurswese ontvang van die Universiteit van Stuttgart in die Federale Republiek van Duitsland. Hy is ook lid van verskeie liggame in wetenskap en ingenieurswese, insluitend die SA Instituut vir Fisika, die Ingenieursgraad van Suid-Afrika, die  SA Instituut vir Elektriese Ingenieurs (ook ‘n voormalige raadslid),  stigter en voorsitter van die Wetenskap- en Ingenieurswese-akademie van SA en die SA Instituut vir Meet en Beheer. Hy het ook aktief deelgeneem aan die vorming van minstens drie swart bemagtigingsmaatskappye, waar hy 'n leidende rol in elk gespeel het.
  Sibiya is tans 'n programleier van een van die nagraadse kerningenieurswese-programme wat by die Nagraadse Skool vir Kernwetenskap en Ingenieurswese aangebied word. 
“Ek is geïnteresseerd in en beoefen kerntegnologie en hernubare energie as my spesialiteitsvak en professionele beroep. Ek glo dit sal die ontwikkeling van toepassingsbeginsels, beleidsraamwerk-vraagstukke en die uitvoer van projekwerk in hierdie dissipline vir gekeurde ondernemings soos nywerhede, regeringsdepartemente, semi-staatsinstellings, regulatoriese entiteite en navorsingsinrigtings bevorder en help,” sê hy.
  Navrae: Prof Gordon Sibiya