Instituut vir Psigoterapie en Voorligting
Die Instituut se drie hooffunksies is:
- Opleiding van internsielkundiges (Klinies en Voorligting) in samewerking met Witrandhospitaal;
- Navorsing, veral ten opsigte van die toepassingsterreine van die Tomatismetode en die bevordering van psigologiese welsyn ;
- Dienslewering aan die studentegemeenskap en algemene publiek vind plaas binne die konteks van ‘n seksie 54a maatskappy, bekend as Du Plessis en Kirsten ingelyf.
Teikenmark:
Kinders, tieners en volwassenes vanuit die studentegemeenskap en die algemene publiek.
Dienslewering:
Aard van dienslewering: Geskied binne ‘n multidissiplinêre spanbenadering.
Vorme van dienslewering:
- Algemene kliniese dienste:
spelterapie, psigoterapie, groeps- en huweliksterapie en voorligting
- Gespesialiseerde dienste:
Sielkundige dienste: psigologiese en neuropsigologiese evaluasies;
Spraakterapeutiese en oudiologiese dienste: konsultasies t.o.v. spraak-, gehoor- en taalontwikkelingsprobleme, asook leerprobleme en spesifieke leesprobleme vanaf gr. i – gr. xii;
Psigiatriese dienste: ‘n besoekende psigiater diagnoseer sielkundige/psigiatriese problematiek en skryf medikasie voor;
die Tomatismetode van sensories-neurale integrasie opleiding en terapeutiese begeleiding: Die luisterfunksie word beskou as die grondslag van kommunikasie en leer. Derhalwe word die tegnieke van hierdie benadering aangewend om luister- en kommunikasie probleme (onderliggend aan ‘n wye verskeidenheid toestande) te verbeter. Insgelyks kan psigologiese welsyn oor ‘n wye spektrum van probleemtoestande bevorder word, bv. probleme geassosieer met perinatale komplikasies, emosionele-, leer-, gedrags- en verhoudingsprobleme. Uitvoerende kunstenaars bv. musici, toneelspelers en sangers kan ook beduidend baat by die proses.
|
|
|
